Day 1, the making of the blog

Hæ

Fyrir mörgum, mörgum vikum ákvað ég að þegar það væri mánuður í að ég og Lovísa myndum flytja til Bretlands myndi ég byrja með blogg. Þetta blogg er ætlað þeim sem vilja og nenna að fylgjast með okkur og hvernig okkur gengur að pakka, fara út, koma okkur fyrir og jafnvel (ef vel gengur) búa í útlöndum. Nafnið á blogginu er samsuða af loví og sæli og mér fannst það geðveikt sniðugt. Var búinn að hugsa um nafn alveg geðveikt lengi en datt bara ekkert í hug en svo kom þetta bara í dag þegar ég var að gera bloggið. Ég mæli með því að fólk fari að blogga aftur, þetta er geeeðveikt retro!

Þegar hugmyndin um að flytja eitthvað til útlanda barst í tal verð ég að viðurkenna að ég bjóst ekki við því að það yrði eitthvað af því. En hér erum við, 30 dagar í það og við erum búin að segja upp vinnunum, komin með miða aðra leið til Bretlands.. en samt ekki mikið meira, haha!

Ég var búinn að selja bílinn minn um daginn (sem kom sér vel). En svo gat strákurinn ekki keypt hann og ég fékk hann í hausinn aftur, bilaðan! Þannig að ef einhverjum vantar bíl erum við aftur með 2 bíla til sölu, einn Aygo og einn Golf.

Ég veit eiginlega ekki hvað ég á að segja meira. Kemur bara meira update um leið og eitthvað gerist.

Dót færslunnar: Nýji mp3 spilarinn minn. I love it!
Mynd færslunnar: The rocker, er að bíða eftir að hún byrjar.
Matur færslunnar: Pylsur með kartöflusalati, homemade!

Sæli